عايشين أيام وبنقضيها
عايشين مستحملين الدنيا
مستحملين بلاويها
بنقول مسيرها تفرج
ومسير النفس تفرح
وده لما الحظ هيجيها
دا الدنيا صغيره
طب لما هى صغيره
قلوبنا ليه حزينه وعقولنا متحيره
وأصحابنا خليوا بينا
وكمان سابونا ورا
سافروا وسابوا المدينه
دول عشقوا المنظره
دا الدنيا صغيره
مهما نلف ومهما ندور
مهما نطير زى الطيور
هنرجع تانى بلادنا
ونخضر أراضينا البور
وبعد الظبمة نشوف النور
دا الدنيا صغيره
العمر طويل أو قصير
مش فارقه كتير فبلاش تتحير
كده أو كده لازم تتغير
لأنى بفكرك
الدنيا واسعه واسعه
بس صغيره
اسمع كلامى
أنا ياما سالت منى دموع
سالت على عمر ضاع
دلوقتى بتمنى الرجوع
لكن الوقت فات
والرجوع ممنوع
لأن الدنيا صغيره
اياك تصاحب خاينين
خليك تملى ياصاحبى
ويا الغلابه الطيبين
واعلم بأن النهايه
جايه ومعاها يوم الدين
راجعين لأصلنا
راجعين ياناس للطين
الدنيا مش كبيره
الدنيا صغيره
------------------------------
ايه رأى حبايبى فى الدنيا؟
ياترى لسه مفكرينها كبيره
دى شبكة لبكة