انا زعلت جدا وتعبت نفسيا
ليـــــــــه؟
لأن أكتر شئ بيتعبنى هو سماع كلمة:مسلم ومسيحى
مسلم ضرب مسيحى ومسيحى اتخانق مع مسلم
ياجماعه ده اللورد كرومر المندوب السامى البريطانى فى مصر احتار زمان
حب يلعب ع الفتنه الطائفيه أيام الملك فاروق
لكن قال فى الآخر كلمة حلوة بينت فشله وأثبتت نجاحنا
قال:لاأعرف المسلم من المسيحى الا عندما يذهب المسلم للمسجد
ويذهب المسيحى الى الكنيسه
..ياجماعه كلنا على بعضنا مصر
مصر مصر مصر
اللى بيفتح تاريخ مصر ويقرأه
أتحداه لو لقى فى الكتب كلمة تدل على دين
أيا كان مسلم ولا مسيحى ولا يهودى لأن كان الهدف وطن مش دين
ياجماعه مش هاقول اللى احنا فيه ده فتنه
ده عدو حاقد يريد اشعال نار الفتنه
لكن من هنا بقوله كلمتين فى قصيدتى
اللى أنا كتبتها وراسى مرفوعه لكن زعلان جدا
يارب أقدر أوصل لكم حاجه
القصيده
برغم الاختلاف
فى الدين أو التفكير
هيعيش مابيننا الائتلاف
فى مسجد أو دير
لأننا
أبناء وطن أصيل
بالحب فى كل جيل
طردنا وهم اسمه العدو
ماشى وديله كان طويل
دا حبنا
خلق أمه قويه
عايشه باسم الحريه
فى الجامع والكنيسه
هدفها هو الذريه
أمه بتحيا باسم السلام
وتقول لكل الناس
مصر هتفضل أصيله
وهتفضل أقوى عيله
أما عدو الوطن
عايش قليل الحيله
وهى دى مصرنا
عايشه على حبنا
لو فكروا يأذوها
نفديها بدمنا
دا المسلم والمسيحى عايشينن على أرض مصر
ميتها بتروينا وشمسها بتضلنا
\|\|\|\|\|\|\|\|\|\|\|\|\|\|\|\|\|\|\|\|\|\|\|\|\
عاشق تراب الوطن
شاعر حلم بكره:أحمد العرينى