يمكن مكنتش جيت
ياسلام عليك يازمان ياسلام
ساعه بحال وساعه بحال
واهى ماشيه وبتمر الأيام
أنا عايش وماكنتش عايش حياتى
كانت حياتى عنوانها دمعى واهاتى
حاولت أنسى ونسيت
لكن فى سكة شيطان مشيت
رحت بعيد قوى يمكن ماكنتش جيت
دا الكيميا غداره
لما قربنا لها فكرنا دى شطاره
لكنها الفشل كله
دى فيها قسوة الأيام والمراره
دى أشعلت أقوى شراره
طب هى ايه الشراره
هى مشينا ويا الشيطان
لما سبنا شغلنا
وعشنا فى أبعد الوديان
لما تعبنا أهلنا
اللى كان همهم انا نعيش فى أمان
والشراره كمان
انا بعدنا عن الصلاة والصوم
لما بعدنا زادت علينا الهموم
لكن خلاص
رجعنا من تانى نقول
هنعيش حياتنا صح وعلطول
والعقل بعد ماكان فى ذهول
والفكر بعد ماكان مشلول
خلاص لاقينا الحلول
قربنا من الوصول
لمحطة الأحباب
اللى فيها القلب داب
وحشانى يامحطتى بعد طول الغياب
وحشونى الأهل والأحباب
كانوا معايا ومش معايا
خلاص رجعت شغلى وعشت بنظام
وبعد ماكنت فى مشاكل عشت فى سلام
ورجعت أشوف حالى
وخلاص راق بالى
ورجعت أشوف ضنايا
ياناس دا الضنى غالى
لكن بسأل سؤالى
وسؤالى للزمان
ناوى تغدر يازمان
ناوى تبيعنى علشان
أرجع أتوه من تانى
وأنسى طعم الحنان
ولا ناوى تضمنى تحافظ عليا
وتنسينى كمان طعم الأسيه
وبدال ماأكون وحديه
ونعيش سوا عيشة الحريه
محلاها عيشه الحريه
اه منك يازمان
للحظه دى خايف من غدرك
خايف تهد البنيان
لكنى عارف فى الآخر
ان ده امر الله وبيتنفذ يازمان
اللهم لااعتراض