اليوم قد جئت لكم بطقطوقه جديده بمناسبة دخول الأخوين علاء وجمال سجن طره
ومن هنا بسألهم :انتوا مين جاوبونى :انتوا مين؟؟؟؟؟؟؟
انتوا مين قولولى انتوا مين
احنا اتنين حلوين طعمين
كنا زمان أولاد الريس
والليله بقينا فى تعداد مساجين
كنا لأهالينا وتراب بلدنا بايعين
افتكرنا العز دايم
أتارى الظلم نهايته أسى وأنين
عاوزين الحق ولا الصراحه
قلتلهم عاوزين الاتنين
ردوا عليا وقالوا
دلوقتى بقينا ندمانين
أنا اسمى علاء وأخويه جمال
عشنا سنين رايقين البال
ونسينا طعم الحلال
عشقنا طعم وريحة سرقة الأموال
والليله دخلنا سجن المزرعه
وهيتقطع عنا الوصال
اسمى علاء أنا اسمى علاء وأخويه جمال
بابانا حسنى حرامى قديم
وماما سوزى كانت وياه
دلوقتى واقع بابا أليم
وماما خلاص فى السكة وراه
قلتلهم
آدى آخرة من يبعد عن ربه
ويمشى ويا شيطان هواه
ردوا وقالوا
أهو ده النصيب
والشمس خلاص عننا هتغيب
لكن ياريت ماتقطعونا
وتعالوا دايما زورونا
انشله حتى تضربونا
أهم حاجه نشوفكم وتشوفونا
رغم اننا عارفين انكوا هتذلونا
قلتلهم
الشعب المصرى طيب وأصيل
وهنكتفى بسجنكم
وحرقة دمكم
وحسرة أمكم
وكترة همكم
وكفايه عليكوا فى الآخرة
كفاية ذنبكم
ياأولاد التيييييييييييييييت
أنا قدمت خلاص الشيت
ولو كتبت أكتر
هتطلع منى العفاريت
بس خلاص كفايه
ادعوا ياسميعه وقولوا معايا
يارب عليك بالظالم..دا فى فقره وضعفه دوايا