التحدى وصباح الطموح
أحلى شروق بيوصى القلب المجروح
ينسى اللى فات
ينسى أصعب ذكريات
ويروح
على كل حته فيها الفرح والنور
لو هيعبر ليها جسور
لازم يروح
صباح التحدى وصباح الطموح
صباح الشغل صباح الأرزاق المقسومه
صباح نسيان القلوب المهمومه
مش ناقصه هم وحرقة دم
دا كل حاجه مقدرة ومقسومه
صباح التحدى صباح الطموح
صباح الفل على الناس الشغاله
ورونا بقا الهمة يارجاله
مش عاوزين نفضل عواله
عاوزين نحس بقيمة بين الناس
ونحس بتحسين الحاله
صباح التحدى صباح الطموح
صباح الدماغ الرايقه والمزاج العالى
أنا لما بروح الشغل بيروق بالى
هو الشغل صحيح ارهاق
لكن ده رزقى ورزق عيالى
صباح التحدى صباح الطموح
أحلى صباح على أحلى قلوب مافيهاش ضغينه
أحلى ورود بهديها ليهم
قصدى ع الناس الأمينه
اللى لو طلبوا عينينا
ياخدوها فدا رضاهم علينا
صباح التحدى صباح الطموح
سلامى لكل الشغالين
اللى كافحوا علشان جنيه واتنين
مش عيب ومش حرام
أحسن بكتير من النايمين
أحسن كمان من الكسلانين
اللى بسلامتهم معتمدين
على بابا وماما
وكمان مش مكسوفين
بقولهم حسوا وقوموا
بابا وماما مش هيدوموا
كل واحد يلبس هدومه
ينزل يشوف الشغل فين
بقولهم حسوا ان انتوا بنى آدمين
طعم النجاح والفرح مش للبيع
وبكره تكونوا مجربين ومصدقين
كل اللى قلته يامصريين
ياعرقانين
ياكسبانين مالكوا الحلال من عرق الجبين
صباح التحدى صباح الطموح
أنا خلاص ماشى
يارب أكون هونت على القلب المجروح
حركته كمان انه يروح
يشوف الشغل الحلال
علشان يروق البال
وصباح التحدى صباح التحدى صباح التحدى
صباح الطموح