آدى حال الدنيا

ماتيجى نقول

ان الدنيا يومين وتزول

والحزن مش عايش علطول

يبقى احنا لازم نفرح

ونجيب فى الهم جول

ازاى بقى

ننسى اللى فات

وننسى أصعب ذكريات

ونصحى القلب اللى مات

ونقوله حب وعيش

ونفك ريقنا بقراقيش

ومنزعلش لو دخلنا الجيش

دنيتنا لازم نتحدى فيها الأحزان

نرجع ياناس زى زمان

ونقول ياحلو صبح

نعزفها كمان ع الكمان

ونغنى بلادى السمرا

أحلى كلام على أجمل ألحان

والقلب يحب ويعشق بنت الجيران

الله الله الله

الله ع الحب لما يدوخنى وألف وراه

ومنين مايروح أمشى معاه

وفى عز نومى أحلم بأنى بقيت وياه

الحب فرحه من الأفراح

لو حبيناها وحبتنا

راح تنسانا الجراح

والقلب ينسى همومه

وللى ظلمو ه هيقول سماح

شفتوا الدنيا بسيطه وسهله ازاى

احنا اللى كنا معقدين

لو مشينا مشينا مشينا وجينا وقعنا

نحس انه خلاص ده آخر السنين

لسه الدنيا فيها وفيها ومليان الصندوق

ياقلبى حب وروق

حب الناس يحبوك وهيعاملوك برقة وذوق

حب الحب وحب الشغل

حب الشروق

حب كلامى وطقاطيقى

ونهاية قولى:حب الشوق