رساله الى من ملكتنى
أنا وانتى بعيد بعيد
ويانا شئ جديد
الشئ ده حبنا
دا بيجرى فى دمنا
وكل يوم بيزيد
وانا وانتى بعيد بعيد
بعيد عن كل الحساد
اللى أساهم لينا زاد
قصدنا ربنا ينسونا
عليك يارب الاعتماد
وأنا وانتى قريبين
من بعضنا وحاسين
ان الشوق والحنين
عاهدنا يفضل ويانا
دا حبنا هو اللى حمانا
حمانا من غدر الزمان
حمانا من نظرة واحد
نفسه يهد البنيان
بنيان الحب والشوق
لكنى بقوله فوق
الحب لو كان بجد
ربى ماخلقشى أى حد
علشان يهدم قصور العشق والأشواق
ربى خلقنا اتنين حبينا بعضنا
ربى خلقنا اتنين وهنبنى عشنا
هندافع عنه بحسنا وبنبضنا وبعشقنا
لو كل العالم ضدنا
انا وانتى هنحمى عشنا
لو سال عليه دمنا
وعلى الله رزقنا
وأنا وانتى بنحلم بصبايا وصبيان
يملوا علينا البيت يحسوا منا بالحنان
بضحكة من بين شفايفهم الوردى
ننسى هموم الزمان
انا وانتى
====================
الشاعر/أحمدالعرينى
أنا بحب الطقطوقه دى جدا لأنها تعبر عن احساسى الشخصى