عشقت نسائم الحريه
ودعنا خلاص مبارك..وغادر البلاد
ودعنا بحلوه ومره...والفرح بينى وبينكوا ساد
عارفين كلامى ياصبايا..عارفين كلامى ياولاد؟
مبارك ماضى وراح..ساعة رحيله الفرح زاد
ليه كل ده
علشان الذل اتحكم...فينا وكمان النصابين
كان الهدف يجمعوا...أكبر عدد م الملايين
مبقوش ملايين ياشعب...بقوا مليارات
بقوا مليارات مايتعدوا...ياشعب طيب وكان حزين
جه يوم علينا وفرحنا
فرحنا لكن لامته...الفرح هيعيش وسطنا
ياهل ترى فترة وتعدى...ومن تانى هيسيل دمنا
ياهل ترى هنعيش فى خوف...ولا هنقدر نحمى عرضنا
مااعتقدش الحزن يرجع..دا الحزن ياما ذلنا
والفرح ياما..اشتاق يجمعنا ويا أهلنا
أنا حبى لمصر...بقوله فى القصايد
]والليلة دى يامصر...أنا حبى ليكى زايد
دا الضحكة بين أولادك..الليلة شئ عادى وسايد
أنا راح اقول اللى فى قلبى ...مش هارجع اكون محايد
انا عايش ليه
عايش أعبد ربنا أسبح ربنا...وكل ده بحريه
مسلم مسيحى يهودى...كلها أديان سماوية
كبير صغير ولد وبنت...وحتى الست العجوزه ديه
لازم تعيش عمرها ...تاخد نفسها وتقول أرائها بحريه
عاشقك يابلد النيل
عاشقك وعاشق ثورتك...ودفاعك عن حريتك
ولدتنى امى في أرضك..ولما أموت متوايا تربتك
ابويه اسمر والنيل رواه...حنيته تشبه كتير حنيتك
تشبه ده ايه...كل عيلتى فدا ترابك دامت يابلدى نهضتك
عاش الشباب
عاش الشباب اللى دافع ..عاش الشباب اللى ثار
عاش الشباب فكرنا...بظباطنا الأحرار
فاكرينهم ولا نسيتوهم...دول كانوا زينة الدار
حاربوا وتعبوا كتير...علشان نعيش أحرار
الفاتحة لكل الثوار
بحمد اله الكون...انى من ولادك يامصر
بجد انا الليله فخور...حسيت بطعم النصر
صاحبنا ساب العز...صاحبنا ساب القصر
باع أهله للأغراب...ونسى ان أهله أهل مصر
والحق عاد
الخق عاد من تانى
ورجعنا ايدينا واحده هنكمل المبانى
واتخلصنا كمان من كل جانى
وكل من فكر يبيعنا علشان جنيه
الله يسامحه الأنانى
وآخر الكلام
منى لأهلى السلام
ومن الليلا دى كل الكلام
هبكون فى حرفين تلاته
مصر مصر مصر
على مدى الأيام
هى كبيرة العرب
وده مش كلامى أنا
ده كل كل الأعلام
وقبل كل ده
أحسن من كل ده
كلامه رب الأنام
ذكرها فى القرآن
حماك ياربى علينا دام
والحمد لله انى عايش فى دى الأيام
----------------------------------