انسى الدنيا وانسى همومك
انسى الدنيا وقضى يومك
الدنيا متستاهلش دموعك
متستاهلش تعاتب حد
ولا تستاهل حد يلومك
انسى ياخلى
انسى ياخلى
اوعى تخلى
للأحزان فى القلب مكان
خليك تملى
صابر وراضى بقسمتك
ادعى وصلى
وايام تبكى فى يوم ع اللى
خانك وباع العيش والملح
اياك تقوللى
اياك تقوللى أنا مجروح
واياك أشوفك يوم تروح
للى خانوا صحبتك
واللى باعوا عشرتك
وان رجعوا ليك فى يوم
شوف ايه من تانى رجعهم
لكن خلى الكلام بحدود
خليه فى حدود المسموح
الدنيا دايره
الدنيا دايره والكل مستنى
ييجى عليه الدور
يصبح فى يوم متهنى
يعيش فى قصر
وبدال مايبكى راح يغنى
صدق اللى قال أرزاق
وأنا واثق بأنى
فى يوم من الأيام
هوصل بجد وأمتعكم بفنى
لأنى حقيقى بحبكم وبعزكم
وده شئ فى دمى من صغر سنى
--=--=--=--=--=--=--=--=--=--
ألفت القصيده دى فى 2009
تقدروا تقولوا فى بداياتى
ايه رأيكم؟؟