العيشه حرة ومره
تعالي عيشها وقضيها
اياك تشيل هم ليها
هى دنيتنا كده
تعاند فينا نعاند فيها
يادنيا يادنيا
عشت حلال او عشت حرام
كده كده بتعدى الأيام
بس فى حلال هتعدى بخير
وفى الحرام هتعيش أوهام
والأيام
ماشيه بالعرض وبالطول
هى كده العيشه علطول
ساعه بفرح وساعه بجرح
ساعه فى راحه وساعه فى ذهول
ساعه و ساعه
ساعه فى جنه وساعه فى نار
ساعه فى راحه وساعه مرار
نسكر طول الليل من الهم
نرجع مش عارفين الدار
اه يادار
يادار ياغايبه عن عينى
عايش فيكى طول سنينى
دلوقتى ليه بعدتى يادارى
يادار تعالى وضمينى
ضمينى ضمينى
محتاج لضمه وحضن كبير
القلب نفسه يحس بفرح
يحس انه خلاص هايطير
من كتر الفرح كمان هيغنى
ويقول ياخلق أنا قلب كبير
قلبى ياقلبى
الأيام الحلوه بعيده
بدعى ربى تقرب
واللحظات السعيده
تيجى لى أصل أنا متغرب
متغرب وسط الأحباب
شبت وأنا وأنا لسه شباب
عايش ومش عايش فى الدنيا
مشطوب عليا يااخواتى
وأستاذى خدنى غياب
خدنى غياب أو حضرنى
خلاص مش فارقه معايا
خدت على فراق الأحباب
خدت على فراق الأحباب
وشكرا
**********************
كلمات/أحمدالعرينى